Petti konpositore beratarra Manipulazio estrategiak bere azken lana aurkeztera etorriko da. Horretarako, Etxeko uzta, Juantxo Zeberio eta Et Incarnatus hari laukotearen laguntza edukiko du alboan. Bere aurretik Trigger (Eñaut Zubizarreta eskoriatzarra) taularatuko da, Poliedro Vol. 1 izeneko bere azken proiektua aurkezteko. Quico Puges eta Jokin Garmendia txelistekin eta Amaiur Luluaga dantzariarekin arituko da Trigger.
Sarrerak Arrasateko Udalaren webgunean eros daitezke, 15,90 euroren prezioan.
'Maestrissimo', hilaren 25ean
Atari berean daude 20,90 euroren prezioan salgai Yllana konpainiaren obra ikusteko sarrerak. XVII eta XVIII. mende arteko barroko eta neoklasizismo estiloko komedia satirikoa da Maestrissimo, sokazko laukote baten abenturak deskribatzen dituena.
Nabarmentzekoa da Amaia antzokia, LABIren neurri berriak oinarri hartuta, %33ko edukiera izatetik %50ekoa izatera pasa dela.
