Merkataritza Berdearen astearen baitan, Ibai-Artek hainbat ekimen abiatuko ditu. Alde batetik, bailarako produktuez osatutako otzarak zozketatuko ditu, eta bestetik swing kontzertua eskainiko du Professor Cunningham and his old school taldeak, hilaren 17an.
Otzarek Bedoñako azenario, patata dultze eta kalabazazko donutsak; Gesaltza baserriko gazta; Leintz gatzagako gatz potoa; Belaskua baserriko txakolin botila; Oñatiko txokolateriako bonboiak; Jakion tomatea potea eta Aramaioko ahabi marmelada daramate.
Zozketan parte hartzeko, Arrasate Txartelarekin erosketa bat egin behar da eta txartelaren argazkia sare sozialen bidez partekatu: WhatsApp (688 73 41 49), Instagram edo Facebook-en. Argazkia bidaltzeaz gain, "km0 otzara nahi dut", adierazi behar da mezuan.
Otzaren banaketa irailaren 17an egingo da, 19.00etan, kontzertuarekin batera.
