Azpimarratu dute, sei autobus eduki arren, Oñatiko Udalari eskatu behar izan zaiola mailegua, "IAT gainditu gabe duten bi autobus geldi edukita".
Salatu dute autobus guztietako aire girotua izorratuta dagoela eta leihoak irekitzeko aukerarik ez dutela, barruko tenperatura "jasangaitza" bihurtuz. "Autobus berriari dagokionez, gehiegizko luzera izateaz gain, itoginak ditu eta aire girotuaren funtzionamendua ez da egokia. Hori dela eta, autobusen mantentze eza salatzen dugu, erabiltzaileekiko kontsiderazio falta".
Udalak arlo honetan duen gastua guztira 750.000 eurokoa dela dio Ezker Anitzak. "Hau izango da funtzionatzeko modua geratzen diren lau urteetan?", galdetu dute. "Jasangarritasunaren aldeko hautua egin gura badugu, ezin dira 12 urteko ibilgailuak erabili, gasaren depositua birmoldatuta daukatenak, gainera, eta depositua betetzera Bergarara joan behar izaten dutenak. Ezin dira aurkezpen populistak egin prezioak jaitsiko direla esanez, Arrasatek merezi dituen zerbitzuak falta direnean".
