Pintaketak egin dituzte Arrasateko batzokian, eta jeltzaleek "gogor" salatu dituzte ekintza horiek. "Horrelako ekintzak demokrazia eta askatasunetik baino, totalitarismotik eta faxismotik gertuago daude". Halaber, bizikidetzaren alde egiten duten apustua berretsi dute, adieraziz, bizikidetza apurtzen duten ekintza horien aurrean ez dutela atzerapausorik emango.
EAJ-PNVk "argi" du "elkarrizketa, elkarlana eta elkarrenganako errespetua" dela bidea, eta bide horretan ez daukatela lekurik horrelako ekintzek. "EAJ-PNVk bizikidetzaren alde lanean jarraituko du, bere bideari eutsiz, inposaketen aurrean amore eman gabe".
Amaitzeko, zera adierazi dute: "Guztion artean eraikitako Arrasate aske bat nahi dugu, bizikidetzan eta errespetuan oinarritutako Arrasate bat".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
