XXIX. Gipuzkoako Enpresentzako Sariak honako hauek izan dira:
Gipuzkoako Ganberak Bexen Medical Gipuzkoako enpresa gisa bereizi du 2021. urtean. Enpresak nazioartekotzeko saria Astigarraga kit Lineri eman diote, Enpresa txiki eta ertain industrialarena Plastigaurrentzat izan da, Zerbitzu enpresarena Euskabearentzat eta berrikuntza enpresa saria Arrasateko CIN Advanced Systems Groupentzat izan da.
Sari-banaketa ekitaldia, Sabadell bankuak babestua, Gipuzkoako Ganberaren egoitzan egin da, eta bertan izan dira Arantza Tapia Eusko Jaurlaritzako Ekonomiaren Garapen eta Ingurumen sailburua, Markel Olano Gipuzkoako Ahaldun Nagusia eta Eneko Goya Donostiako alkatea.
Konplexutasun handiko proiektuak
Cin Advanced Systems Group, Arrasateko enpresa, Berrikuntza Enpresa kategorian saritua, enpresa-ekintzailetzaren adibide gisa, automobilgintzaren sektoreko enpresetako produkzio-lerroan 3D digitalizazioko eta adimen artifizialeko irtenbideak ezarriz "zero akatsak" bermatzean datzan balio-proposamenagatik izan da saritua.
Automobil-fabrikatzaileetan eta hornitzaileetan lan egiten du, eta proiektuak lantzen ditu materialaren eraldaketa-kate osoan: altzairuzko xafla bat lortzen du, zati eta osagai bihurtzen du, eta ibilgailu osoa digitalizatzen du.
CIN Advanced Systems Group enpresak 20 langile ditu eta 2021erako milioi bat eurotik gorako fakturazio konprometitua du. Bere bezeroen artean Mercedes, Gestamp, Sidenoreta Nissan daude.
Cin Advanced Systems Group konplexutasun handiko proiektuetan oinarritzen da, bai piezaren geometriagatik edo zailtasunagatik, bai egon daitezkeen akatsen kopuruagatik/barietateagatik, bai akats horien tamaina txikienagatik, bai prozesatzeko denbora mugatuagatik. Horretarako, kualifikazio handiko pertsona talde bat dago, eta horien artean Ikuspegi Artifizialean doktore batzuk daude.
