"Antzerkigintzan murgildu nahi duen edonorentzat" antolatu ditu Doke antzerki taldeak ikastarook. Interpretaziora "modu ludikoan" hurbiltzeko tailerrak izango dira. Saio bakoitza bi zatitan banatuta egongo da: mugimendu adierazkorrak eta ahotsa landuko dituzte batetik, eta inprobisaziotik abiatuz, jarrera dramatikoari dagozkion oinarrizko ideia nagusiak bestetik. Pixkanaka, testu dramatikoak ere joango dira garatzen,"eszena edota bakarrizketa gisa".
Informazio gehiago Doke antzerki taldearen webgunean.
Udalekuak, "martxan onean"
Gazteei begira antolatutako udalekuei ere hasiera eman zieten joan den astean: "Lehenengo txanda, 8 eta 11 urte artekoa, ederto joan da", adierazi du Maider Alzelai irakasleak. Uztailaren 19an hasiko dute bigarren txanda, 12 eta 15 urte arteko gaztetxoekin.
Neska-mutilei begira burututako antzerki ikastaroen arrakasta ikusita, datorren ikasturtean ere aukera izango dute antzerki ikasleek saioetan izena emateko, goiko kontaktuetara idatzita.
