Ekainaren 20 eta 21ean jokatu zuten Espainiako beterano mailako txapelketa, Malagan. Eta, Durango kirol taldeko Maria Jose Gil arrasatearrak Espainiako bi errekor ondu zituen 800 eta 1.500 metrotan.
Arrasateko atletak 80 urtekoen kategorian hartu zuen esku, eta 1.500 eta 800 metrotako lasterketetako irteera puntuan izan zen. Bada, 1.500 metroko lasterketan 8 minutu eta 16 segundoko denbora egin zuen eta 800 metroko lasterketa 4 minutu eta 13 segundotan. Hala, arrasatearra urrezko dominekin eta errekor berria ezarrita itzuli da etxera.
Maria Jose Gil, podiumean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.