Bi dominarekin itzuli da Espainiko 23 urtez azpiko txapelketatik arrasatearra. Egindako lanarekin "gustura" agertu da: "Asteburukoa 23 urtez azpiko nire azken txapelketa izan da, eta hor irabazita oso pozik nago, marka ere oso ondo irten da. Luzera-salto probarako apur bat nekatuta nengoen, baina hala ere gustura geratu naiz egindakoarekin". Ibai Fernadezek ere Espainiako txapeldun postua eskuratu du, errelebotan. Alex Agiriano eskoriatzarrak ere parte hartu du txapelketa berean.
Espainiako 23 urtez azpiko txapelketak egin dituzte asteburuan Malagan, eta Eneko Carrascal arrasatearra eta Alex Agiriano eskoriatzarra bertan izan dira. Salto hirukoitzeko proban lehen postua eskuratu du Eneko Carrascal Real Sociedad taldeko arrasatearrak (16.02). Proba berean, Alex Agirianok, Arrasate Atletico taldeko eskoriatzarrak, seigarren postua lortu du (15.26).
Luzera-saltoan laugarren postuan amaitu du proba Eneko Carrascalek (7.44), bosgarrenean Alex Agirianok (7.27). Hala ere, proba hirugarren tokian amaitu duen Alberto de Oliveirak espainair nazionalitatea ez zuela eta, ez da sailkapen ofizialean sartu, eta modu horretan podiumera igo eta brontzezko domina eskuratu du Carrascalek.
Ibai Fernandezek ere Espainiako txapeldun postua eskuratu du 4x100 errelebotan, Real Sociedad taldearekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
