2014tik zuzendari nagusi izandako Marcelino Caballero ordezkatuko du Etxeberriak. Arrasatearrak 1994an hasi zuen bere ibilbidea Ikerlanen, eta, orain, Pertsonen eta Marketinaren zuzendaria izateari utzi eta Zuzendaritza Orokorra hartuko du bere gain.
Ezohiko bileran erabaki du Kontseilu Errektoreak Ion Etxeberria (Arrasate, 1975) zuzendari izendatzea; ekainaren 30ean hartuko du kargua. Etxeberria Mondragon Unibertsitateko ingeniari teknikoa da, eta Grenobleko Institutu Nazional Politeknikoko ingeniari doktorea, besteak beste.
Kontseilu Errektoreak "babesa eta konfiantza" helarazi dizkio Etxeberriari, eta Marcelino Caballeroren ibilbide profesionala ere aitortu nahi izan du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
