Duela lau urte eskuratu zuen Bai Euskarari Ziurtagiria Arrasateko Athlon kooperatibak. Ekimenaren sustatzaileen hitzetan, "ohitura osasungarriak" sustatzeko lanean dihardute sortu zirenetik, eta gainera, "euskarazko zerbitzua" bermatzen dute: "Athlonek jendearen bizi kalitatea hobetzen laguntzen du, ohitura osasuntsuak sustatzeko erronka dute, gu eta euskara sasoiko egoteko".
Bai Euskarari Elkarteak azaldu duenez, sariak ematerako orduan, enpresen "praktika egokiak eta eredugarritasuna" hartu dira kontuan: "Eredugarritasuna saritu nahi izan dugu, haien eredua erakusteko; beraien jardunean osagai ezinbestekoa baita euskara".
