Euskadiko txapeldun geratu ostean, Ointxe! Araski taldeko neskek Espainiako Txapelketa jokatuko dute egunotan Lleidan. Hala, talde arrasatearra Espainiako 32 talde onenen artean egongo da, eta txapelketako C multzoa egokitu zaie, Fundacion Valencia (Valentziako Erkidegoko txapelduna), CN Helios (Aragoiko txapelduna) eta Jesuitinas baloncesto Femenino de Leon (Gaztela eta Leongo bigarren sailkatua) taldeekin batera.
Hala, Alex Susok eta Gorka Alarziak zuzentzen duten taldeak bihar, egubakoitza, jokatuko dute lehenengo norgehiagoka Zaragozako Helios taldearen kontra (17:30): "Oso multzo zaila da, baina multzoko lehen hirurak final-zortzirenetara sartuko dira, eta hori da gure taldearen lehen helburua", adierazi dute klubetik. Bada, norgehiagokak zuzenean jarraitu ahal izango dira Espainiako federazioaren kanalean.
Partiduen ordutegiak:
- Egubakoitza. 17:30. Heliosen kontra.
- Zapatua. 19:30. Valentziaren kontra.
- Domeka. 17:00 Jesuitinen kontra.