Udal Gobernuaren iritziak entzuteko eta haien oniritzia eta babesa jasotzeko helburuarekin egin zuten aurkezpena. "Proiektuan bizikleten gurpilei eraginez sortutako energia zinetikoa energia elektriko bihurtzea proposatzen dute, LEVELÓP izena jarri dioten aparatu berritzaile baten bidez".
Produktu hau Ikerlanen laguntzarekin garatu dute, eta, garatzeaz gain, herri mailan zabaltzeko proposamena dakarte, ikastolako kideen esanetan, "herritarrek zein kirolariek energia berriztagarria jaso dezaten, osasuna bultzatuz". Gainera, herri mailako txapelketak antolatzeko asmoa dute, ondoren Gipuzkoa mailan zein Europa mailan sustatzeko erronkarekin. "Proposamen horrekin, alkatea eta Udaleko gainerako kideak konbentzitu dituzte, proiektuarekin jarraitzeko oniritzia eta babesa jasoz".
