Gazteluondoko kanpa eta haren inguruak zikinkeriaz beteta agertu dira gaur goizean: poltsak, botilak, latak… Ez da lehenengoz gertatu; argazki hori "ohiko" bihurtu dela azken asteotan adierazi dute Arizmendi ikastolako Gazteluondo guneko kideek eta "gogaituta" daude.
Kanparen itxura "lotsagarria" zen gaur goizean; gauean hainbaten topaleku izan dela erakusten zuen han pilatutako zaborrak.
Kanpa hori berori, baina, Gazteluondo guneko umeen jolastokia eta gimnasia egiteko gunea ere bada, eta Arizmendi ikastolako kideak nekatuta daude halakoak behin eta berriz errepikatzen direlako; izan ere, ondo garbituta ere "beti geratzen da zerbait".
Goizean, lehen orduan, garbitzaile bi ibili dira inguru guztia garbitzen eta txukuntzen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.