Horrez gain, Garraio Ministerioaren laguntzen zerrendan Lurraldebus zerbitzuari emandako ia 14 milioi euroko dirulaguntza agertzen dela adierazi du Fuentesek (13.881.075,12 euro), Mugikortasuneko eta Lurralde Antolaketako diputatu Rafaela Romero sozialistak zuzentzen duena. "Debagoienarentzat Lurraldebus zerbitzua oso garrantzitsua da".
Dirulaguntza horiei esker, garraio publikoa "indartuta" aterako da osasun-krisi horretatik, Fuentesen esanetan, eta ziur dago hori dela indarberritzeko lehen urratsa. "Ministerioak garraio publikoa garatzeko eta sendotzeko konpromisoa hartu du dirulaguntzarekin, Arrasateko eta Debagoieneko hiri-mugikortasuneko sistemaren 'bizkarrezurra' baita".
Datorren astelehenean xehetasun gehiagorekin emango dituzte azalpenak, prentsaurreko bidez.
