"Gogor salatu eta gaitzetsi" ditu bi eraikinetan izandako erasoak, eta adierazi du horrelako jarrerek ez dutela lekurik Arrasaten. "Pintaketez gain, sarrailak itsasgarriz eta alanbrez kaltetu dituzte, udal zerbitzuak irekitzea eragozteko asmoz. Errespetu eta gizalege faltak ez dira inoiz kausa aldarrikapen bidea izango". Pintaketetan "EAJ eta PSOE faxistak", "Zentsurarik ez" edota "Mozalik ez" bezalako mezuak irakur daitezke.
Udal Gobernuaren esanetan, jarrera eta ekintza horiek "iraganeko gertaerak" gogorarazten dituzte, eta ez dute laguntzen udalerri gisa bizikidetza lortzeko bidean aurrera egiten. "Orain arte modu partekatuan lortutako aurrerapenetan jarraitzearen eta atzera ez egitearen alde gaude. Bizikidetzaren eta tolerantziaren alde lanean jarraituko dugu", gaineratu du Gobernuak.
Egiletza ikertzen ari dira eta Udala zerbitzuak garbitzen eta berriro irekitzeko lanak egiten ari da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.