Sortu bere birfundazioaren osteko lehen kongresuan murgiltzear dago. "Lau urte dira, Abian prozesuan lehenik eta Zohardian ostean, ezker independentismoaren paradigma politiko-organizatibo berriaren oinarriak finkatu genituenetik. Orain, perspektibaz atzera begiratu, aurreratu dugunaren balantzea egin eta momentuan ditugun erronka zein eztabaida politikoei erantzuteko unea da, prozesu independentista eraldatzailea estrategiaren ardatz gisa kokatuz", azaldu dute.
Esan moduan, ekainaren 11n, egubakoitza, egingo dute topaketa, Kulturateko Jokin Zaitegi gelan, 18:00etatik 20:00etara. "Azken lau urteetako ibilbideaz egiten den balantze nazionala partekatu eta osatu nahi dugu. Gainera, prozesu nazionalari begiratzeaz gain, Arrasateko ezker abertzalearen ibilbideari, osasunari eta aurrera begirako erronkei ere tartea eskaini nahi diegu.
Galdera hauen eta beste hainbaten inguruan hausnartuko dute:
Non geunden duela 4 urte eta non gaude orain?
Zein dira aurrera begira ditugun erronka nagusiak Euskal Herrian? Eta Arrasaten?