"Uda garaiko jostailu truke merkaturako, maiatzaren 21ean Arrasateko gune ezberdinetan jostailuak biltzen aritu ziren Txatxilipurdiko bi hezitzaile. Herritarrei, ekartzen zituzten jostailu bakoitzeko txartel bana ematen zitzaien. Mota guztietakoa jostailuak jaso ziren, guztira 71", adierazi dute antolatzaileek.
Bihar, egubakoitza, ziren egitekoak, baina atzeratzea erabaki dute. "Ikusirik ekaitza dagoela iragarrita, astebete atzeratzea erabaki dugu", azaldu dute Txatxilipurditik. Beraz, ekainaren 11n, 18:00etatik 20:00etara egingo dute azoka, Monterron parkean. "Trukeaz gain, jolas erraldoiak jarriko ditugu eskura, talde txikietan arratsalde atsegina pasatzeko aukera eskainiz", gaineratu dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak