Orain dela hilabete, apirilaren 28an, milaka pertsona irten ziren kalera Kolonbian, Ivan Duque presidentearen zerga erreformaren kontra egiteko. Gobernuak, erantzun gisa, etxeratze agindua ezarri zuen, eta manifestariak gelditzeko asmoz, indar militarrak atera zituen kalera. Ordutik hildako eta desagertutako herritarrak gogorarazteko, kandelak piztu dituzte Biteri plazan egin duten elkarretaratzean.
Hilabete honetan guztian zehar gertatu dena salatu nahi izan dute eta Kolonbiako hori koloreko kamiseta ugari ikusi ahal izan dira bertan. Baita Kolonbiako bandera eta ikurrina ere. Musikaz girotu dute eta bideo emanaldia ere izan dute.