"Funtsezko zerbitzua ematen dugu, baina ikusezinak gara. Greba deitzea beste aukerarik ez digute utzi, bizi dugun egoera larria salatzeko eta lan-baldintza duinak eskatzeko. Pandemiaren aurreko egoera jasanezina zen, eta orain lan-kargak onartezinak dira". Horixe izan da langileek Osakidetzako zentroetako garbiketa-kontratetan helarazi nahi izan duten salaketa.
Sektoreko ELAko arduradunek azpimarratu dute 3 urte baino gehiago daramatzatela hitzarmen kolektiboa berritzeko negoziatzen, baina, enpresekin akordio batera iritsi beharrean, negoziazioa blokeatuta dagoela. "Gure lana funtsezkoa dela diote, baina hori ez da gure lan-baldintzetan islatzen. Ez dugu txalorik eta zapladatxorik nahi bizkarrean; gure lana modu duin eta eraginkorrean aitortzea eskatzen diegu Osakidetzari eta garbiketa-enpresei".
Bestetik, salatu dute, greba egunerako Eusko Jaurlaritzak zehaztutako zerbitzu minimoak %100ekoak izan direla: "Langileek babes osoa eman diote grebari, baina hala ere gaur ohiko egun batean baina langile gehiago zeuden lanean".
