Barne Ministerioak azaldu duenez, Polizia Nazionalaren operazioa 2020ko azaroan hasi zen; izan ere, hainbat herritar anonimok salatu zuten erakunde kriminal batek herriko gazteen artean heroina saltzen zuela.
Polizia Nazionalak hiru arrasatear atxilotu ditu heroinarekin trafikatzea egotzita. Agenteek autoko maletategian, su-itzalgailu baten hondo faltsu batean, aurkitu dute droga ezkutatuta.
Maiatzaren 19 eta 20an egin ziren atxiloketak eta 300 gramo heroina baino gehiago eta baskula bat atzeman zizkieten. Hala, hiru atxilotuei droga-trafikoa eta talde kriminaleko kide izatea egotzi diete.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.