ARTEAN kolektiboaren laugarren erakusketan hartuko dute parte honako artistek: Helena Azkarragaurizar Jauregik, Amaia Albes Garitanok, Miren Barrenetxea Iñarrak, Euri Bruña Iturbek, Lexuri Doyague Loitik, Joana Manzisidor Akizuk, Amaia Martinez de Arenaza Yarzak, Sara Miguelez Garitanok, Amaia Santamaría Andrések, Maddi Urizar Altunak eta Jone Alaitz Uriarte Iriartek.
Irekiera ekitaldia ekainaren 4an izango da, 19:00retan. Egun horretan Ekiñe Casado Uriarte, Maria Oses Saiz eta Olatz Urkia artistak ere bertan izango dira. Ekitaldirako sarrera gonbidapen bidez izango da, eta horiek maiatzaren 28an banatuko dituzte Kulturaten bertan (ordua zehazteko dago).
Itxiera ekitaldirik ere ez da faltako eta hori egingo dute ekainaren 18an, 18:00retan, Kulturateko Loramendi gelan. Egun horretan, Amaia Urzain Martinez eta Manu Muniategiandikoetxea arituko dira solasaldian, moderatzaile Jone Uriarte arituko delarik.
