LEINN graduaren baitako proiektu moduan sortu zen BASH, 16 eta 20 urtekoen artean aniztasun funtzionala dutenentzat sormen eta mugimendu espazioak sortzeko asmoz. Hori dela eta, mugimendu orokorra lantzeko ekintzen eta dantzaren bitartez, momentu dibertigarri bat izan dezaten saiatzen direla aitortu du Maria Belak, ikasleetako batek. "Hori lehen ez zeukaten. Klaseak bazituzten, baina estresak askatu eta mugimendua lantzeko saiorik ez zeukaten eta horri erantzuteko sortu zen BASH", gaineratu du.
Era berean, proiektua egonkortzeko bidean dagoela adierazi du. Izan ere, Musikaren Magia 2019an egin zuten lehen aldiz. "Askotariko ekintzak egiten ditugu, betiere mugimendua lantzea eta ondo pasatzea, dibertitzea, helburu hartuta".
Izen-ematea, zabalik
Bihar, zapatua, Etxaluze eraikinean egingo dute saioa, 11:00etatik 13:00etara, eta izen-ematea zabalik dago, 30 euro ordainduta. Interesa duenak, 666 66 99 86 telefonora deitu dezake edo maria.bela@alumni.mondragon.edu helbidera idatzi.
Aintzasun funtzionala dutenekin bakarrik ez
Orain arte aniztasun funtzionala zeukatenekin egin izan dituzte saiook, baina duela hilabete eskaintza zabaltzeko aukera iritsi zitzaien, Lehen Hezkuntzako bosgarren mailako ikasleekin, hain zuzen, eta aste honetan izan dute lehen saioa, Oñatin.