Larraitz Ugarte EH Bilduko komunikazio zuzendariak aurkeztuko du Hiru Damatxok ekoiztu duen filma. Ikus-entzunezkoak, halaber, "EH Bildun zeresana izan duten 26 lagunen testigantzen bitartez, hamar urte oparo eta erabakigarri hauen errepasoa" eskaintzen du. Dokumentalak ordubete bat irauten du eta edukiera arrazoiak tarteko, sarrera mugatua izango da.
Maiatzarekin batera bete dira hamar urte lehen aldiz hauteskunde batzuetara aurkeztu zirenetik. "Ibilbide zail bezain eder honetan, gure gorabehera guztiekin, hainbat lorpen garrantzitsu lortu ditugu Euskal Herriarentzat eta hori guztia gure oinarriekin partekatu eta sendotzeko gogoz prestatu dugu eguna", azpimarratu dute koaliziotik.