Askapena erakundeko kideek eskuetan zuten Sarraskia eta konpilizitatea eten! Eutsi Palestina zioen pankartaren atzean ordu erdiko bilkura egin dute askotariko herritarren parte hartzearekin eta bukaeran, palestinar erresistentziari euren babesa adierazteaz gainera, Euskal Herrian sionismoarekin konpilizitateak seinalatzeko eta ezabatzeko boikot kanpainak indartzeko deia egin dute. "Bereziki, CAF Jerusalemen eraikitzen ari den tranbiaren proiektua salatzeko kanpainarekin bat egiteko deia luzatzen dugu; izan ere, egungo testuinguruan izugarrizko garrantzia du. Herri palestinarrekiko elkartasun mugimendua indartzea ezinbestekoa da eta internazionalismo iraultzetik, zalantzarik gabe lerrokatu behar dugu palestinarren erresistentzia eskubidearen alde eta inperialismo kapitalista eta sionistaren kontra", azaldu dute Askapenako kideek.