"Cristian Matias izango da, datorren urtean, Mondra C.F. taldeko entrenatzaile berria. Jokalari eta entrenatzaile gisa eskarmentu handikoa da bera, hala nola, Argentinan, Ingalaterran eta Euskal Herrian jardun du entrenatzaile lanetan", adierazi du Mondrak prentsa ohar bidez. Matiasek hiru urte daramatza klub zuri-morean: "Lehenengo urtean Ohorezko gazte mailako taldearekin Euskal Ligara igotzeko lehian aritu zen. Azkenengo bi urteetan, berriz, preferente mailako taldea zuzendu du eta mailari eutsi dio taldeak. Garrantzitsua iruditzen zaigu gure harrobiko entrenatzaileei klubeko lehen mailako taldea gidatzeko aukera ematea. Denboraldia amaitu bitartean Ander Romerok jarraituko du lehen taldea zuzentzen. Norgehiagoka guztiak amaitzean Cristian lanean hasiko da buru-belarri hurrengo denboraldia prestatzen. Hautaketa ona egin dugula uste dugu eta munduko zorterik onena opa diogu Cristiani eta talde osoari".