Aire libreko marka pertsonalarekin itzuli da Malen Ruiz de Azua Zaragozatik, eta bide batez, Ibercaja Ciudad de Zaragoza atletismo txapelketan urrea jantzita. Hala, pista estalian egindako denboraldi onari jarraipena ematen ari zaio Ruiz de Azua. Arrasatekoak 4,47ko marka egitea lortu zuen –4,51ekoarekin ere saiatu zen baina baliogabeko saltoa egin zuen– eta Espainiako rankingean bigarren jauzilari onena izatera pasa da, Naroa Agirreren atzetik. Hori, baina, aire libreari dagokio, pista estalian Maialen Axpek 4,50eko marka dauka eta.
Hain zuzen, Bedoñako atletak ere Zaragozako txapelketan hartu zuen esku eta lesiotik errekuperatzen eta konfiantza hartzen dabilela erakutsi zuen (4,12).
Durangon, Euskadiko Txapelketak
Bestalde, 18 eta 20 urtez azpiko Espainiako txapelketak egin zituzten aurreko asteburuan Durangon, eta bertan Arrasate Atletiko Taldeko zenbait atleta izan ziren. 100 metrotako lasterketan Eneritz Kortabarriak 13.62 egin zuen, eta gizonezkoetan Oihan Zuluetak 12.12 egin zuen. Biek ondu zituzten euren markak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak