Martxoaren 28an ospatu zen Bultza euskaltegiak!-Bultza euskara! ekimena. Arizmendi ikastolak bat egin zuen ekimenarekin eta, aste horretan zehar, hainbat ekintza egin ziren guneetan. Horietako bat AEKk dituen proiektuak aurrera ateratzen laguntzeko diru bilketa bat izan zen, eta bilketan, guztira, 1.986,79 euro batu dira. Arizmendi ikastolatik eskerrak eman diete lagundu duten guztiei, eta ekarpenari esker, AEK-k euskara bultzatzen jarraituko duela adierazi dute.