2002tik Mondragon Unibertsitateko Humanitateen eta Hezkuntza Zientzien fakultateko ELEA taldeko koordinatzailea da Barquin, eta hiritartasuneko hezkuntza da bere oinarri nagusia. "Bere ikerketa hezkuntza eta kultura aniztasunera zuzendu da eta azken hamarkadetan euskal eskolak immigrazioaren errealitateari eman dion erantzuna izango du aztergai hitzaldian. Izan ere, XXI. mendeko bigarren hamarkadan, immigrazioaren etorrera izan da, beharbada, aurreko hamarkadan euskal eskolari gertatu zaion gertakaririk garrantzitsuena", azaldu dute Ongizate sailetik.
Gaineratu dutenez, aipatzekoa da euskal eskolak bere gain hartu duela eta erantzuna eman diola immigrazioak planteatu duen egoerari. "Gertakariaren abiadura eta garrantzia gorabehera, hezkuntza sistema gai izan da aurreikusi gabeko ikasleen ekarpen hori hartzeko eta artatzeko, horrek ekarri duen guztiarekin. Atzean daude euskal eskolako irakasleen zati oso garrantzitsu baten ahalegina eta inplikazioa".
