Euskal Ligako 17. jardunaldiko norgehiagoka jokatu dute gaur Mondratek eta Bilboko Otxartabe taldeak, eta Arrasatekoek garaipen ederra lortu dute Musakolan (9-2). Izan ere, hiru puntuei esker, lidergotik puntu bakarrera jarri dira sailkapenean zuri-moreak.
Lehenengo zatia oso parekatua izan da Musakolako kiroldegian, eta etxekoek 2-1eko abantailarekin bakarrik joan dira atsedenaldira.
Bigarren zatian, gol festan murgildu da Arrasateko taldea. Atsedenaldiaren ostean, indartsu irten da Mondrate kantxara, eta azkar, 4-1ekoa jarri du markagailuan. Otxarkoagako taldeak ezin izan du erantzun, eta sekulako jipoia eman dio Arrasateko taldeak (9-2)
Aretxabaleta 3-3 Jarrilleros
Berdinketa garrantzitsua erdietsi du Aretxabaletak Ibarran, Jarrilleros Portugaleteko taldearen aurka. Aretxabaletako taldea, azken aurrekoa da sailkapenean, eta liderraren aurka puntu baliotsua lortu du.