Formakuntza saio honetan ikus-entzunezkoetan jarri dute indarra, eta besteak beste, ideiaren, argiztapenaren, lokalizazioaren, edota grabatuko den formatuaren garrantziari buruz aritu dira Sorzabalbere eta Aguilera. Sare sozialetan zabaltzen den edukiari buruz ere hitz egin dute, hala nola, partekatzen den edukia zer nolakoa den, Instagrameko zuzenekoek izan ditzaketen arriskuak, edota pribatutasuna zaintzearen beharra.
Saioan zehar ikus-entzunezkoak sortzeko klabeak zeintzuk diren ikasi dituzte gazteek, eta ekintza desberdinetan parte hartu dute, hala nola, bikoizlari lanetan, ikasitakoa praktikan jartzeko.