Bigarren postua mantentzea nahikoa izango zaie Jon Zabalak entrenatzen dituen mutilei mailaz igotzeko. Musakolako kiroldegian bihar 17:30ean hasiko den neurketa irabaziz gero, helburua lortzeko "aurrerapauso handia" emango luketela adierazi du Zabalak.
Datorren astean Usansoloren kantxan jokatuko dute futbolariek eta hurrengo neurketan Leioa hartuko dute Musakolan. Azken norgehiagokan Jarrillerosi egingo diote bisita. Falta diren lau partiduetatik etxeko biak irabazita, "esku-eskura" izango lukete igoera.
