Gala Galantaren ostean, AGAKO eguna egingo dute zapatuan, hilaren 24an. Goizean, Haizea eta Ningra rap-kantaria gasteiztarren emanaldia izango da, 12:00etan hasita, eta ostean Assata talde arrasatearra igoko da gaztetxeko oholtzara, haien disko berria aurkeztera, besteak beste. Arratsaldean, ekitaldia egingo dute Monterronen.
Kontzertuetarako sarrerek bost euro balio dute eta agakok30@gmail.com helbidera idatzita eskuratu ahal izango dira. Hori bai, pertsona bakoitzak gehienez hiru sarrera erosi ahal izango ditu. Ordainketa zapatuan bertan egin beharko da, sartzerakoan.
Arratsaldean, gaztetxea kalera ateratzeko helburuarekin, ekitaldia egingo dute Monterron parkean, 18:30ean hasita. "Hau sorpresaz beteta etorriko da eta hurbiltzera animetan dittugu herritarrak. Ez die garbatuko!", azaldu dute AGAKOko kideek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
