Joan den asteburuan Xake Euskadiko Txapelketa Absolutua eta Jubenila jokatu ziren Getxon, eta bertan Josu Tornay eta Haizea Tornay debagoiendarrek parte hartu zuten . Josu Tornay Gipuzkoako Federakuntzako ordezkari bezala sailkatu zen eta Haizea emakumezkoen Gipuzkoako txapelduna izateagatik.
Haizeak, jubenilen mailan, 2 partida galdu, 2 irabazi eta bat berdindu eta txapelketako 7. izan zen. Lehen emakumezkoa izan zen, eta horrenbestez, Euskadiko txapeldun berria da, jubenil mailan. Garaipen horrek, Espainiako txapleketan parte hartzeko txartela ahalbideratu dio.
Maila absolutuan Josu Tornay 7. sailkatu zen, 16 partehartzaileen artean. 3 partida irabazi eta 2 galdu zituen Tornayk Huerga eta Argandoña nazioarteko maisuen kontra.