Ezker Anitzak eta EPK-k II. Errepublikaren urteurren ekitaldia egingo dute asteazkenean

Apirilaren 14an Espainiako II. Errepublikaren aldarrikapenetik 90 urte beteko direla eta, III. Errepublika Zerumuga ekimenaren barruan bandera errepublikanoa igoko dute Debagoieneko Ezker Anitza-IUren egoitzaren kanpoaldean, Aldai kaleko 9. atartean. Riegoko ereserkiaren doinuaren erritmora egingo dute banderaren igoera, eguerdiko 12:00etan. Ezker Anitza-IU Debagoienak eta Euskadiko Partidu Komunistak –PCE-EPK– bailara mailan antolatutako ekitaldia izango da Arrasatekoa.