Norgehiagoka intentsua izan zen, eta partiduaren minutu gehienak markagailuan atzetik joan arren gertu izan zuten berdinketa etxekoek; bai atsedenaldira heldu aurretik, baita amaiera heltzeko minutu gutxiren faltan ere. Azken txanpan atezain barik jokatu zituzten hainbat minutu Mondratekoek erasoan jokalari bat gehiago izateko eta golak lortzeko. Aukerak sortu zituzten arren, ez zituzten nahi beste gol egin eta atezain barik zeudela aprobetxatuz heldu ziren kanpokoen azken bi golak, norgehiagoka erabakita utzi zituztenak, hain zuzen ere.
