Josu Tornayk ondo hasi zuen torneoa, lehen lau partidak irabazita. Bosgarren partida hasi aurretik txapelketa jada arrasatearrarena zen, galduta ere, bazekien txapela jantziko zuela. Hala eta guztiz ere, azken partidan ez zen berdinketa errez batekin konformatu eta lau orduko partida jokatuta ahalegindu zen partida irabazten.
Aukera asko izan zituen Tornayk, baina denbora gutxi geratzen zenean ez zuen zorrotz jokatu eta berdinketa onartu behar izan zuen. Azkenean, torneo horretako Tornayren lehen parte-hartzean txapeldun izan da, 5 puntutatik 4,5 batuta.