Etxebizitzen alokairu-merkatua arautzeko beharrezkoak diren lege- eta erregelamendu-mekanismoak garatzea eskatzen dute, "abusuzko errentamenduak eragotziko dituzten prezioen kontrolaren bidez, baita prezioen jaitsierak ere, bai indarrean dauden kontratuetan, bai etorkizunean egin litezkeen kontratuetan eta, bereziki, merkatuaren ikuspegitik tentsio handieneko eremuetan".
Eusko Jaurlaritzari eta Aldundiari egindako eskaerez gain, Udalari, Kasu honetan, Arrasatekoari, eskatzen die Eusko Jaurlaritzarekin koordinatuta, mekanismoak antola ditzatela alokairu-kontratuetan "gehiegizko" prezioak eragozteko, prezioak kontrolatuz eta errentamendu-merkatua arautzeko aukera ematen duten beste tresna batzuk garatuz, "hala nola, prezioen jaitsierak sustatzea indarrean dauden kontratuetan zein etorkizunean egin litezkeen kontratuetan, etxebizitza hutsen alokairua sustatzea, OHZren errekargua sustatzea eta etxebizitza-parke publikoa handitzea".
Hainbat herritarren babesgabetasun-egoera salatu dute
Horrez gain, herriko hainbat familiek baliabide faltadutela eta konfinamendua dela-eta jasaten ari diren babesgabetasun-egoera salatu du Elkarrekin Arrasatek, Udalari horren berri emanez, "bizilagun horiek oinarrizko beharrak asetzeko laguntza behar dutelako".
Koalizioak azaldu duenez, hainbat familiak laguntza eskatu diete gizarte zerbitzuei elikagaiak eta botikak erosteko; "izan ere, COVID-19agatik konfinatuta daude eta ezin diete oinarrizko behar batzuei aurre egin". Hala ere, kaltetuek azaldu dutenez, Udalak erantzun die gaur egun ez dutela inolako laguntzarik horrelako egoerak kudeatzeko.
Ondorioz, Elkarrekin Arrasate harremanetan jarri da Gobernu Taldearekin familia horiei laguntzeko, eta, azkenean, Gurutze Gorriaren laguntza eskaini die. "Hala ere, uste dugu laguntza hori ez dela nahikoa eta, beraz, Udalak pertsona horiek kondenatzen ditu beharra pasatzera edo berrogeialdia haustera, horrek dakarren arriskuarekin".