Asteburu honetan egingo dute San Andres auzoko azken ludoteka ibiltaria, Arimazubi plazan, eta hemen eman daiteke izena. "Joan den astean proposamenak bota zituzten eta horietako bat pizzak egitea izan zen. Beraz, larunbat goizean, hamabietakoa egiteko aukera ere izango dute". Martxoaren 27an, 11:30etatik 13:30era izango da saioa.
"Joan den asteburuan, San Jose zubia zela eta, parte-hartzaile gutxiago ibili zen baina bertan egon zirenak goiz polita pasa zuten: eraikuntza jolasekin, aurpegiak margotuz, tren ibilbideak eginaz, plastilinarekin eta marrazki bidez sormena landuaz…", adierazi dute Txatxilipurditik.
Hurrengo ludoteka ibiltaria Erguin auzoan egingo dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.