Duela hiru urte hasitako negoziaketaren ostean, enpresak "ardura eta konpromezurik hartu gabe" jarraitzen duela azaldu dute: "enpresak pandemia aurretik zeuden edukiak baino okerragoak planteatu ditu, 2020rako soldata igoerarik ez langileentzat, besteak beste. Gainera, langileei norbere babeserako ekipamenduan diru asko gastatu dutela aurpegiratzen digute".
Asteazkeneko mobilizazio egitarauan parte hartzeko deia luzatu die ELAk Aita Menniko ia 500 lengileei. Asteazkeneko greba egunarekin eta apirilaren 14koarekin, hiru izango dira langileek egindako greba egunak, pasa den urriaren 14an eginikoarekin batera.
Honakoa izango da asteazkenerako mobilizazio egitaraua:
– 7:30etan pikete informatiboak ospitalean.
– 11:30etan mobilzazioa Arrasateko plazan.
– 14:30etan elkarretaratze zaratatsua ospitale atarian.