Ondorengo hausnarketa egin ostean sortu zuten LEKE taldea: "Duela bi urte egindako azterketa sakon baten ondoren, aniztasun funtzionala duten ikasleek gure bailaran jarduera fisikoa eta kirola egiteko aukera gutxi zituztela konturatu ginen. Horregatik, ohiko eskola kirolean inklusioaren aldeko apostuarekin jarraitzearekin batera, iaz LEKE (Leintz Eskola Kirol Egokitua) taldea sortu genuen"
Aste bitarteko bi saioak motz gelditzen zirela ikusita, hauek izan dira asteburuetan egin dituzten lehen bi aktibitateak: baten egin zuten lehen saioa: "Aurreko hilabeteetan, LEINN-eko ikasleak diren Irene Aguriondo eta Ane Davilak martxan jarritako BASH proiektuarekin bat egin genuen, eta horrela, LEKE-ko ikasleek askotariko dantzen eta doinuen erritmora saio ezberdinak egiteko aukera izan zuten. Aurreko astean aldiz, multikiroleko topaketa bat antolatu genuen Iturripeko kiroldegian" azaldu dute Leintz Eskola Kiroleko arduradunek.
Joan den asteburuan egin zuten asteburuetako azken saioa, non parte hartzaileak gozatu ederra hartu zuten: "Pasa den larunbatean berriz, LEKE-ko ikasleek taldean mendi buelta bat egiteko aukera izan zuten. Horrela, Arrasateko inguruetatik txokoz txoko ibili ziren, eta, besteak beste, Ziorlako Balkoiaren tontorra zapaldu zuten. Benetan goiz atsegina pasa zuten bertan bildutako ikasleek eta monitoreek".
Aste Santura begira
Herrian egingo diren kirol aukerei buruz mezu hau helarazi dute: "Bestalde, Aste Santuko oporrei begira, bailarako taldeak hasi dira campus-ak eta jardunaldi ezberdinak antolatzen. Hona hemen, Arrasateko eskubaloi elkarteak eta Ointxe!-k, oporretan aktibo mantentzeko eskaintzen dizkiguten aukerak".