"Urtarril hasieran, Hollywoodeko superprodukzio baten traza zeukaten eszenak ikusi genituen Donald Trumpen jarraitzaileek Washingtoneko Kapitolioa indarrez hartu zutenean. Fikziotik gutxi zeukaten, ordea, irudi haiek. AEBko gizartean dagoen haustura giroaren erakusle baino ez ziren, oinarrian arrazakeria daukan zatiketa zibilaren azken kapituluetako bat. Reparazek, bere liburuan zehar, 250 kilometro, hiru ordu eskaseko bidaia egiten du endemikotzat jotzen duen arrazakeriaren eta zatiketa sozialaren inguruan gogoeta egiten", azaldu dute antolatzaileek.
