Gorka Moreno Euskal Herriko Unibertsitateko irakasleak immigrazioaren errealitateak euskaran duen eraginaren analisia egingo du, "bide batez, euskal gizarteak sortu dituen usteak aztertuz". Udalak antolatu du saioa, "informazioa eta hausnarketa" zabaltzeko asmoz eta hilaren 24an izango da, Kulturateko areto nagusian, 18:00etan.
"XXI. mendeko bigarren hamarkadan, immigrazioaren etorrera izan da, beharbada, aurreko hamarkadan euskal eskolari gertatu zaion gertakaririk garrantzitsuena", azaldu du Udalak, zera gaineratuz: "Zalantzarik ez dago beraz, hezkuntza-sistemari eta euskarari erronka berriak ekarri diela fenomeno honek".
Era berean, azpimarratu du gaiari heltzeko moduek gogoeta eta iritzi banaketa ere sortu dutela euskal gizartean, eta horien eraikuntzan, sarritan, oinarri sendorik ez duen informazioak eragina izan duela. "Errealitate berriek hausnarketa berrien beharra dakar eta, bide honetan, kontrastatutako informazioa zabaltzea ezinbesteko bihurtzen da, hausnarketa horien eta iritzien sustraiak oinarri sendo bat izan dezaten".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
