Hainbat ekoizle izango dira azokan karapaixoa salduko dutenak; gainera, bakoitzak bere moduan eginda: betiko erara, ama orearekin, legamia freskoarekin, irin ekologikoekin, gluten gabe, begetarianoak, beganoak… Askasibar, Errastiko ogia, Ainara Abasolo eta Urkimendi izango dira garizuma sasoiko jakia salduko duten ekoizleak.
Gainera, azokako bezeroen artean, hamar karapaixo zozketatuko dira –hileroko otarrarekin batera– eta jakia egiteko errezeta ere banatuko da gerturatzen direnen artean.
Bestetik, ohi bezala, sasoiko fruta eta barazkiak erosteko aukera ere izango da azokan, eta baita tokiko bestelako produktu batzuk eskuratzeko ere (ogia, eztia, kontserbak…). Eta karapaixoei lotuta, antolatzaileek esan dute enkarguak jasotzeko edo hartzeko ere egun aproposa izan daitekeela.
