Hala, uda sasoia aprobetxatuko dute berrikuntza lanak egiteko, ekainetik abuztura bitartean, "haurrak oporretan eta eskola itxita dagoenean, alegia, obrek ez dezaten irakasle eta ikasleen egunerokotasunean inolako eragin edota oztoporik sortu".
Udalaren helburu nagusietako bat da arrasatearrei "kalitatezko" azpiegiturak eskaintzea eta Arrasate Herri Eskolako Erguin eraikineko kasuan, hori da lortu nahi dutena. "Exekuzio epea betez gero, ikastaroa hasterako obra guztiak amaituta eta komun berriak prest egongo dira eta modu horretara, erabiltzaileei kalitatezko instalazio berrituak eskaini ahal izango dizkiegu", adierazi dute Udaletik.