Aviron Bayonnais kirol klubeko xake taldeak antolatu ditu topaketok, Martxoaren 8ko Emakumeen Nazioarteko Egunaren harira, Baionako Udalaren eta Euskal Xake Federazioaren hauspoa lagun. Txapelketak geldi daudela-eta aukera aproposa izango dute xake jokalariek entrenamenduei segida eman eta euren dohainak erakusteko.
Hegoaldeko taldeko ordezkarietako bat izango da Haizea Tornay arrasatearra, eta bere aitak, Josu Tornayk, hartuko du selekzio horri jokatzeko gomendioak emateko ardura. Jokalari bakoitzak bi partida erdi-azkar eta bosna partida azkar jokatuko ditu.