ELA sindikatuak salatu du, besteak beste, Aita Menniko langileek ez dutela lan hitzarmena berritu 2017a ezkero: "Pertsonal falta arazo larriak daude, langileek sekulako lan kargak dituzte eta bertako prekarietatea nabarmena da. ELAtik hamaika izan dira honi erantzun eta konponbidea emateko saiakerak, baina enpresak euren interes ekonomikoei begiratzen jarraitzen du, langileen baldintzen eta pazienteen zaintzaren kalitateari begiratu aurretik. Lan osasunari dagokionez ere, behin eta berriz salatu dugu enpresak pandemiaren aurrean izaten ari den kudeaketa txarra. Ezin dugu ontzat eman, 500 langileko enpresa batean, enpresa batzordea egunak joan eta eguna etorri enpresaren gainean egotea enpresak arazoei konponbidea emateko. Ez dituzte protokoloak langileekin konpartitzen, eta langileei zuzenean eragiten dizkioten gaien berri kanpotik izaten du enpresa batzordeak. Enpresa batzordeko ekidin nahi dituzte eta horrenbestez, errespetua faltatzen ari dira langile guztiei".
Aita Menniko zuzendaritzak langileak gutxiesten dituela salatu du ELAk: "Gogorarazi nahi dugu irabazi asmorik gabekoa deritzon enpresa hau ospitale bat dela, gaixotasun eta ezgaitasun mentalaren arloan oso garrantzitsua eta milioi bat euroko irabaziak izan ohi dituela urtean. Premiazkoa da prekarietatearen zabalkunde honi amaiera ematea eta bertako pazienteei merezitako asistentzia ematea, ahalik eta azkarren. Posible da, baina borondatea falta da".