Musakola auzoko azken Ludoteka Ibiltarirako lekua dago oraindik

Datorren zapatuan, otsailaren 27an, azken Ludoteka Ibiltaria izango dute Musakola auzoan, eta bertan parte hartzeko oraindik badago lekua. Horretarako aurrez jakinarazi behar da izen-emate orria beteta.

Orain arte egin dituzten ekintzarik arrakastatsuenak, sukaldaritza, mahai jolasak, aurpegi margotzea eta eraikuntzak izan direla jakinarazi dute Txatxilipurdiko kideek. Eta datorren zapaturako eskatutakoen artean daude plastilina, slime, koltxonetak eta aurrekoetan legez, sukaldaritza kontuak.

Txoko ezberdinetan banatzen dituzte jarduerak eta taldeetan banatuta txoko guztietatik pasatzen dira neska-mutikoak.

3 eta 12 urte bitarteko haurrak gonbidatu dituzte Musakolako azken Ludoteka Ibiltarian parte hartzera. Eta gogorazi dute hurrengo hilabetean, martxoan, San Andres auzoan egongo direla; hor ere izena aurretik eman beharko da, lotura berberean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.