Marka pertsonala eginda, Espainiako txapeldun berria da arrasatearra pertika-jauzian (4,43 metro). "Negu zaila izaten ari zen. Pertikaz aldatu dugu eta haietara egokitzea kostatzen ari zitzaidan. Oso pozik nago lortutakoarekin", azaldu du. Miren Bartolome nafarra sailkatu da bigarren, 4,38 metroko jauziarekin eta hirugarren postua Andrea San Joserentzat izan da (4,28 metro).
Hirugarrenez lortu du Espainiako txapeldun izatea arrasatearrak. 2017an, 4,16 metroko saltoarekin irabazi zuen; 2018an, Monica Clemente eta biak izan ziren txapeldun, marka berbera eginda: 4,31 metro. Gaurkoan, azkenik, bere marka pertsonala bi zentimetro onduta bereganatu du txapelketa (4,43 metro).
Jauzi hirukoitzean, Eneko Carrascalek bere marka pertsonala ondu du, 16,14 metroko saltoa eginda, eta zilarrezko domina eskuratu du Espainiako Txapelketan. Marka horrekin, 23 urtez azpikoen Euskadiko errekorra ezarri du arrasatearrak eta kategoria horretan Europako Txapelketa jokatu ahal izateko aukera ere izango du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
