"Egoera oso gogorra bada ere, negozioari dagokionez elementu positibo nabarmenak lortu ditu Laboral Kutxak 2020ko ekitaldian, eta, gainera, efizientzia handiz kontrolatu ditu kostuak. Ildo horretan, aipatzekoak dira enpresen kreditu-inbertsioaren hazkundeak, hipoteka-formalizazioen igoera eta aseguru-negozioaren ekarpena", adierazi dute bankuko arduradunek prentsa-ohar bidez.
Hainbat ratio hobetzea lortu zuten iaz. Esate baterako, kaudimena hobetzea lortu dute %21,26ko CET1 ratioarekin eta berankortasun-tasak behera egin zuen iaz, %3,31raino, sektorearen %4,5eko batez bestekoaren azpitik. Ekonomikoki urte zaila izan den arren, banku kooperatiboaren hipoteka-maileguen formalizazioek %16,8 egin zuten gora iaz, eta hipoteka inbertsioaren saldo osoak, aldiz, %1,2ko igoera izan zuen.