Emakumeen "borrokak eta erresistentziak" islatzen dituen erakusketa antolatu du Arrasateko Emakume Txokoak: Complicidades. Quechua herriko Mabel Medina Valenzuela da argazkien egilea, eta hemeretzi irudiz osatutako erakusketak "bere ibilbidea" islatzen duela azaldu du.
Medinak Bolivia, Peru, Argentina eta Euskal Herriko emakumeen borrokak eta erresistentziak azaltzen ditu erakusketan, eta besteak beste sexu-erasoak, lurraldearen defentsa, autodeterminazioa eta elikadura-subirotasuna dira nabarmentzen dituen gaiak. "Erakusketa emakumeen ingurukoa da, baina haien bizipen eta irudiak jasotzeaz gain, egileak berak bisitatutako lurraldeei buruz irudikatzen diren borroka-prozesuez duen ulermen eta inplikazioaz ere hitz egiten du", azaldu dute Emakumeen Txokotik.
Joan aurretik, ordua hartu
Emakume Txokotik 943 79 41 39 edo 618 20 62 33 telefonoetara deitzea edo emakumetxokoa@arrasate.eus helbidera idaztea eskatu diete, erakusketara gerturatzeko asmoa dutenei.
